மல்பெரி பரப்பை அதிகப்படுத்தி கூடுதல் வருமானம் பெறும் பட்டு விவசாயி

சேலம் மாவட்டம், எடப்பாடி தாலுக்கா, வெடிக்காரன் கிராமத்தில் வசிக்கும் திரு.சுப்ரமணி த/பெ. வெள்ளையக்கவுண்டர் ஆகிய நான் கடந்த 20 ஆண்டுகளுக்கு மேல் மல்பெரி பயிர் செய்து வருகிறேன். ஆரம்ப காலத்தில் மஞ்சள் கூடு உற்பத்தி செய்து வந்தேன். போதிய விலை மற்றும் வெயில் காலங்களில் தரமான கூடு உற்பத்தி செய்ய இயலாததால் இடையில் பட்டுப்புழு வளர்ப்பு நிறுத்திவிட்டேன். மேலும், மல்பெரி செடிகளை நீக்கம் செய்தேன். மீண்டும் பட்டு வளர்ச்சித்துறை அலுவலர்களின் சரியான ஆலோசனை மற்றும் வழிகாட்டுதலின்படி அறுவடையின் படி 1.00 ஏக்கர் மல்பெரி வி1 இரகம் 4x2 என்ற இடைவெளியில் நடவு செய்து புழு வளர்ப்பு செய்து வந்தேன். 4 அடி உயரத்தில் அடிவெட்டு செய்து வருகின்றேன். இதன் மூலம் இலைகள் பழுப்பதில்லை.4 அடி உயரத்தில் அடிவெட்டு செய்வதால் மழையின் போது இலைகளில் மண் இல்லாமல் சுத்தமாகவும், நீர் பாய்ச்சல் (ம) உரமிடுவதற்கு எளிதாகவும் உள்ளது.

தற்போது 4.00 ஏக்கர் நிலத்தில் மல்பெரி நடவு செய்து புழு வளர்ப்பு செய்வதன் மூலம் வரும் வருமானம் நற்பலன் தருவதால் மேலும், 2 ஏக்கர் பரப்பில் மல்பெரி நடவு செய் புழு வளர்ப்பு மேற்கொள்ள முடிவு செய்து 2.00 ஏக்கர் நிலத்தை குத்தகைக்கு பேசியுள்ளேன்.

வ.எண்	வருடம்	பட்டு முட்டை தொகுதிகள்	அறுவடை செய்த பட்டுக்கூடுகள் கி.கி	வருமானம் ரூ.
1	2018-19	995	772.000	2,63,974.00
2	2019-20	1,380	772.000	3,39,901.00
3	2020-21	1,160	1,050.00	3,02,700.00
	மொத்தம்	3,535	2,767.00	9,06,575.00

வெண்பட்டு புழு வளர்ப்பு வருமானம் மூலம் பல கடன் தொகைகளை கட்டி முடித்துள்ளேன். மேலும் எனது மகன், மகள் உயர்கல்வி படிக்க வெண்பட்டு புழு வளர்ப்பு மற்றும் கூடு அறுவடை மூலம் வரும் வருமானம் உதவுகிறது. மற்ற விவசாய பயிர் வளர்ப்பு மூலம் கிடைக்கும் வருமானத்தை விட அதிகமாக வெண்பட்டு வளர்ப்பு மூலம் எனக்கு மிகுந்த வருமானம் கிடைப்பது மிக்க மகிழ்ச்சி அளிக்கிறது.

திரு.வெ.சுப்ரமணி த/பெ.வெள்ளையக்கவுண்டர், எடப்பாடி செல்.93445 14656

உடுமலையில் – வெற்றிகரமான பட்டு விவசாயிகள்

சூலூர் வட்டம், சுல்தான்பேட்டை ஜல்லிப்பட்டி, ப.சோமசுந்தரம் த/பெ. பழனிசாமி ஆகிய நான், விவசாயித்தல் பல பயிர்கள் பயிரிட்டு சரியான வருமானம் இல்லாமல் இருந்தேன். பட்டு வளர்ச்சித்துறை அலுவலர்கள் ஆலோசனையின் மூலம் 2017-ல் மல்பெரி MR2 இரகம் 4.00 ஏக்கரில் 4x2 இடைவெளியில் நடவு செய்து பட்டுத்தொழில் செய்ய தொடங்கினேன். 74x20 என்ற அளவில் 1,480 சதுர அடி பரப்பில் புழு வளர்ப்பு மனை அமைத்து 250 முட்டைத்தொகுதிகள் வளர்த்து 85% பட்டுக்கூடு அறுவடை செய்து வருகிறேன். பட்டுப்புழு வளர்ப்பில் நன்கு அனுபவம் பெற்று தற்போது மாதம் ஒரு லட்சம் மேல் வருமானம் ஈட்டி வருகிறேன்.

இத்தொழிலை குடும்பத்தினர் அனைவரும் செய்து வருகிறோம். இத்தொழில் மூலம் வரும் வருமானத்தை கொண்டு கோழிப்பண்ணையும் நடத்தி 4 தொழிலாளருக்கு வேலை கொடுத்து வருகிறேன். பட்டுத்தொழில் மனமகிழ்வுடன வாழ உதவுகிறது என பெருமையுடன் தெரிவித்துக் கொள்கிறேன்.

திரு.சோமசுந்தரம், த/பெ.பழனிசாமி, ஜல்லிப்பட்டி செல்.7339455843

சூலூர் வட்டம், சுல்தான்பேட்டை ஒன்றியம், ஜல்லிப்பட்டி கிராமத்தில் வசித்து வரும் திரு.ச.சிவசாமி த/பெ.சண்முக சுந்தரம் ஆகிய நான் பட்டு வளர்ச்சித்துறை அலுவலர்களின் ஆலோசனைகளின்படி பட்டுத்தொழிலை கடந்த 4 வருடங்களாக செய்து வருகிறேன். பிற விவசாய பயிர்களையும், காய்கறிகளை பயிரிட்டு அங்காடிகளின் மூலம் விற்பனை செய்ததில் குறைந்த வருமானமே கிடைத்தால், 2018-ஆம் ஆண்டு முதல் பட்டுத் தொழிலை செய்ய ஆர்வம் காட்டி, ஓரு ஏக்கர் MR2 இரகம் மல்பெரியை பயிரிட்டு 60x21 =1261 சதுர அடி புழு வளர்ப்பு மனை கட்டி, மாதம் 150 முட்டைத் தொகுதிகள் வளர்த்து வருடத்திற்கு 2,50,000/- சராசரியாக வருமானம் பெற்று வருகின்றேன்.

பட்டு வளர்ச்சித்துறை மூலம் மானிய உதவிகள் கிடைக்கப்பெற்று நல்ல முறையில் குடும்பத்தினருடன் பட்டுத்தொழில் செய்து வருகிறேன். இயற்கை உரங்களை மட்டுமே பயன்படுத்துவதால் மல்பெரி இலைகள் தரமானதாக இருப்பதால் புழுவளர்ப்பில் தொய்வில்லாமல் தரமான பட்டுக்கூடு அறுவடை செய் ஏதுவாக இருக்கிறது.

திரு.ச.சிவசாமி, த/பெ.சண்முக சுந்தரம், ஜல்லிப்பட்டி, செல். 9865966991

என் வாழ்வை வளமாக்கிய பட்டுத்தொழில்

விழுப்புரம் மாவட்டம், செஞ்சி வட்டம், புத்தகரம் கிராமத்தில் வசித்து வரும் திரு.பாரதி த/பெ.முனியன் ஆகிய நான் என்னுடைய நிலத்தில் நெல், கரும்பு, மரவள்ளிக்கிழங்கு போன்ற பயிர் வகைகளை பயிரிட்டு வந்தேன். எனக்கு நிலையான வருhமனம் கிடைக்காமல் இருந்தது. இந்நிலையில் பட்டு வளர்ச்சித்துறை வழிகாட்டுத்தலின் மூலம் பட்டுத்தொழில் குறித்து அறிந்து, பட்டுப்புழு வளர்ப்பு மூலம் கிடைக்கும் வருமானம் , மானியம் அறிந்து இத்தொழிலில் ஈடுபட முடிவு செய்தேன். 05.06.2019 அன்று 1.00 ஏக்கர் அளவில் வி1 ரக மல்பெரி நாற்றுகளை நடவு செய்தேன். அதற்காக மாநில திட்டத்தின் கீழ் ரூ.10,500/- நடவு மானியமாக பெற்றேன்.

புழு வளர்ப்பு மனை 52x21 என்ற அளவில் 1,092 சதுரஅடியில் ரூ.3,00,000/- செலவில் அமைத்துள்ளேன். அதற்கு ரூ.87,500/- மாநில திட்டத்தில் மானியமாக பட்டு வளர்ச்சித்துறையிலிருந்து பெற்றுள்ளேன். மேலும் பட்டு புழு வளர்ப்பில் தேவைப்படும் உபகரணங்கள் ரூ.52,500/- மதிப்பில் தளவாடப் பொருள்கள் வழங்கப்பட்டது.

தற்போது ஆண்டிற்கு 975 பட்டு முட்டைத்தொகுதிகள் வளர்த்து 854.900 கிலோ பட்டுக்கூடு அறுவடை செய்கிறேன். இதன்மூலம் எனக்கு ஆண்டிற்கு ரூ.2,63,894/- வருமானம் பெற்று சமூகத்தில் நல்ல நிலையில் உள்ளேன். மேலும் 1.00 ஏக்கல் மல்பெரி சாகுபடி செய்து, ஆண்டுக்கு 1,000 பட்டு முட்டைத் தொகுதிகள் வளர்க்க ஆர்வமாக உள்ளேன். எனது பிள்ளைகளுக்கு நல்லதொரு கல்வியையும் வழங்கியுள்ளேன் என மனமகிழ்வுடன தெரிவித்துக் கொள்கிறேன்.

வ.எண்	வருடம்	பட்டு முட்டை தொகுதிகள்	அறுவடை செய்த பட்டுக்கூடுகள் கி.கி	வருமானம் ரூ.
1	2019–20	850	670.000	2,34,500.00
2	2020-21	975	854.900	2,63,894.00
3	2021-22 ஜீன் 21 முடிய	450	334.00	1,29,506.00
	மொத்தம்	2,275	1,858.900	6,27,900.00

திரு.பாரதி த/பெ. முனியன், விழுப்புரம், செல்.9585695137.